ni la vara ch'è d'argentu
e ognunu sicci truzza
picchì è grand'eventu.
C'è la banna chi ci sona
i chiù forti e ardenti noti
e ni rici quantu è bona
la Santuzza chi so doti.
Veni appressu lu Pasturi
e poi puri u Cittadinu
cu la fascia triculuri
chi si fa tutt'u camminu.
Veni appressu tanta genti
c'è cu prega e c'e cu chianci
ma un si ricinu scuntenti
sunnu di lu cori lanci
indirizzati a Rusulia
la Santuzza amurusa
speran tutti ca ci sia
vita bedda e pruspirusa
Pi lu Cassaru a prucissioni
canti e preci e litania
riturnello all'orazioni:
"viva santa Rusulia!"
Di barcuna su affacciati
picciriddi e tanti anziani
ci su puru i dispirati
abbannianu cosi vani
Ma si viri chi hanno fidi
pi li figghi carcerati
e pi chiddi chi hannu i nidi
ne i parenti disoccupati
A Santuzza tutti ascuta
puru si passa tisa tisa
ca v'assicuru pari muta
ma cu Signuri sinni spisa.
Caminannu caminannu
Palermu è tuttu visitatu
dalla Santa ca lu dannu
voli subitu livatu
Idda voli ca i fedeli
chiddi nichi e chiddi granni
pronti fussiri pi i celi
e in terra senza danni
Ni lu munti Piddirinu
panorama chi s'ammira
è incantu cchiù divinu
a Santuzza si ritira
e di là prega u Signuri
lu so sposu amurusu
pi Palermu chi a tutti l'uri
prega a Santa fiduciusu.
Fra' Domenico Spatola
Nessun commento:
Posta un commento