giovedì 12 luglio 2018

Fra' Domenico Spatola: U jocu ri focu ru Fistinu

Quannu fu a gran parata
di la festa di la Santa
ni scuppiò a masculiata
chi ancora sinni vanta

Prima foru i fuareddi
poi li razzi luminusi
poi fu l'ura di l'aceddi
ca parevanu piatusi

Vinni l'ura di li roti
chi giravano furiusi
e poi tutti quanti i moti
ca sparavanu curiusi

Poi fu l'ura ri paracqua
cu li stiddi chi carianu
era spettaculu ca ti sciacqua
l'occhi puru ca ti frianu

Meravigghia  ca pareva
tuttu u munnu si spicchiava
comu fussi Adamu ed Eva
quannu bonu tuttu annava

Poi fu dunqui a masculiata
un ti ricu a meravigghia
fu sulu na gran bummiata
ca l'aricchi nun s'arripigghia

Era u focu ru fistinu
chi soddisfa a granni attisa
di Palermu chi no vinu

pi du iorni un bada a spisa.

Fra' Domenico Spatola 


Nessun commento:

Posta un commento