Fra' Domenico Spatola: Abbuffata.

Vitti 'nta lapa na signura
chi faceva a so fiura
picchì  finitu di manciari
avia no piattu cosi cari:
carni di crastu,
comu pastu
e lasagne o furnu
e, a turnu,
cacocciuoli arrustuti
e stigghiuoli abbrustuluti
e patati aggrassati
e i sardi allinguati,
e puru chiddi a beccaficu
e bruciuluni, con ti ricu,
e puntini di maiali
e pittinicchi cu lu sali,
e pi livarisi u pitittu
ca ti calanu rittu rittu
deci caddozza di sasizza

ca s'apizza
na la panza
e ci vuoli la crianza

d'annaffialla cu lu vinu,

abbondanti e sopraffinu,
e si antipastu è ricotta
vivi sulu sutta a botta. 

Quannu stanca di manciari

prima ca nun po' cammminari
e aviri arreri fami
un cucchiaru di citratu
e lu ruttu è ritruvatu.
Senti a mia: per oggi basta,
ti sta facennu  'na catasta
ca assumigghia a 'na muntagna
c'è na tigghia ancor lasagna
ta pripari pi dumani
ma un ti scurdari u cani.
Pi sta sira ormai lu lettu
dici a tia: "io ca t'aspettu".

Fra' Domenico Spatola