Fra' Domenico Spatola: I babbaluci e u Fistinu

Vitti i babbaluci 'nto tianu,
mi taliavanu comu a dirimi: "Allonga a manu!
Semu ca pi tia
che ogni annu aspetti a Rusulia,
a Santa.
Semu carnusi
e ognunu sinni vanta 
e sapurusi cu sucu o cu pitrusinu
semu vavusi,
ma nostru distinu
è fari priu
a tia e a to' ziu".
"Mi inchiti - rispunnivi -   l'occhi cu vostru aspettu
e vi dicu ca vi portu rispettu 

pi vostri corna,
nisciuti i fora
pi tutti i iorna          

di lu fistinu".
Ripintinu,
rispunniu a nomi di tutti
lu capitanu cu fari asciutti:
"Nui li corna  l'avemo pi fiura,
accura a vui e a vostra signura".

Fra' Domenico Spatola