gran manciata ni cumporta.
Oggi è jornu di sasizza
e di crastu e di pizza,
di cacocciuli arrustuti
e milinciani abbrustuluti,
vinu, mevusa e cazzilli
e divintamu tutti brilli.
Tigghi ri pasta a furnu
ni mettinu tutti a turnu.
Un vi ricu ra cassata,
ca ricotta arrimurata,
e ru vinu senza sosta
ca la tavola fa tosta.
E nuciddi e simenza
e da frutta un si fa senza.
Tu ti pisi la matina
più deci chili a siritina.
È fuddia ri na vota l'annu,
chi cumincia a Capurannu.
Ma picchì sta gran manciata,
ca affatica a macinata
di la panza ca ti dici:
"Picchi mi voi tantu infelici?
Mancia giustu quanto basta
ca addiventu na catasta!"
"Hai ragiuni panza mia,
manciu un cannuolu e pensu a tia!".
Fra' Domenico Spatola
Nessun commento:
Posta un commento